ការចុះបញ្ជិកា

ឆ្មបជនជាតិខ្មែរដែលអនុវត្តន៍វិជ្ជាជីវៈឆ្មបត្រូវប្រើប្រាស់នូវគុណវុឌ្ឍិរបស់ខ្លួនយ៉ាងតិចបំផុត៥០០ម៉ោង ក្នុង១ឆ្នាំ ឬ ១,៥០០ម៉ោង ក្នុងរយៈពេល៣ឆ្នាំ មុននឹងកាលបរិច្ឆេទកំណត់នៃការចុះបញ្ជីឡើងវិញ។

ឆ្មបបរទេសដែលអនុវត្តន៍វិជ្ជាជីវៈឆ្មបត្រូវប្រើប្រាស់នូវគុណវុឌ្ឍិរបស់ខ្លួនយ៉ាងតិចបំផុត៥០០ម៉ោង ក្នុងរយៈពេល១ឆ្នាំ មុននឹងកាលបរិច្ឆេទកំណត់នៃការចុះបញ្ជីឡើងវិញ និងបំពេញតាមលក្ខខណ្ឌតម្រូវផ្សេងទៀត។

ប្រសិនបើឆ្មបមិនបានបំពេញតាមលក្ខខណ្ឌខាងលើ ត្រូវចូលរួមវគ្គបណ្តុះបណ្តាលដែលអនុម័តដោយក្រសួងសុខាភិបាល ឬអនុវត្តន៍ការងារស្ថិតក្រោមការអភិបាលដោយឆ្មបដែលបានចុះបញ្ជី។

ទទួលបាននូវការអភិវឌ្ឍន៍វិជ្ជាជីវៈបន្តយ៉ាងតិចបំផុត៤០ម៉ោងក្នុងរយៈពេល១ឆ្នាំ ឬ ១២០ម៉ោងក្នុងរយៈពេលបីឆ្នាំ ដែលការសិក្សានោះទាក់ទងនឹងការងារដែលខ្លួនកំពុងអនុវត្តន៍។

កត់ត្រាកំណត់ហេតុនៃការសិក្សា រួមមានកាលបរិច្ឆេទ ព័ត៌មានសង្ខេបស្តីពីខ្លឹមសារ លទ្ធផល និងចំនួនម៉ោងដែលបានសិក្សា។

បំពេញពាក្យសុំចុះបញ្ជីឡើងវិញ និងប្រកាសថាខ្លួនបានបំពេញតាមស្តង់ដានៃការចុះបញ្ជីឡើងវិញ និងលក្ខខណ្ឌតម្រូវក្នុងការអភិវឌ្ឍវិជ្ជាជីវៈបន្ត។

ឆ្លើយតបតាមសំណើរបស់គណៈឆ្មបកម្ពុជា ក្នុងការធ្វើសវនកម្មលើការបំពេញតាមស្តង់ដា និងលក្ខខណ្ឌតម្រូវ។