ការចុះអភិបាល កិច្ចប្រជុំក្រុមសម្របសម្រួលសម្ព័ន្ធឆ្មប Midwifery Coordinator Alliance Team (MCAT) ក្រោមប្រធានបទ ស្តីពី"សំណុំឯកសារថែទាំផ្ទៃពោះមុនសម្រាល" នៅការិយាល័យសុខាភិបាលស្រុកប្រតិបត្តិសៀមរាបខេត្តសៀមរាប
ថ្ងៃអង្គារ ទី៣០ ខែមិថុនា ឆ្នាំ២០២៦ លោកវេជ្ជបណ្ឌិត នៅ ឡាយ ប្រធានការិយាល័យសុខាភិបាលស្រុកប្រតិបត្តិសៀមរាប បានអញ្ជេីញជាអធិបតីភាពបេីកកិច្ចប្រជុំក្រុមសម្របសម្រួលសម្ព័ន្ធឆ្មប ក្រោមប្រធានបទ ស្តីពី"សំណុំឯកសារថែទាំផ្ទៃពោះមុនសម្រាល" នៅការិយាល័យសុខាភិបាលស្រុកប្រតិបត្តិសៀមរាប រៀបចំដោយផ្នែកគាំពារមាតា និងទារកខេត្តសៀមរាប សមាសភាពចូលរួមចំនួន ៥៣រូប។
គោលបំណងកិច្ចប្រជុំ៖
១. ការប្រាស្រ័យទាក់ទងរវាងឆ្មប និងគ្រូពេទ្យ នៅថ្នាក់មណ្ឌលសុខភាព មន្ទីរពេទ្យបង្អែកខេត្ត ស្រុកប្រតិបត្តិ និងមន្ទីរសុខាភិបាល
២. ពិភាក្សា និងដោះស្រាយបញ្ហារួម ដែលបានរកឃើញនៅក្នុងអំឡុងពេលចុះអភិបាល
៣. ពិភាក្សាពីករណីបញ្ជូន ករណីមានផលវិបាក និងព័ត៌មានត្រឡប់ដែលបញ្ជូនពីមណ្ឌលសុខភាព ទៅមន្ទីរពេទ្យបង្អែក
៤. ធ្វេីបច្ចុប្បន្នភាពចំណេះ ជំនាញលេីការថែទាំផ្ទៃពោះមុនសម្រាល ដោយកំណត់ហានិភ័យស្ត្រីមានផ្ទៃពោះទៅតាមកូដពណ៌ និងវិធីសាស្ត្របំពេញកំណត់ត្រាផ្ទៃពោះមុនសម្រាលឱ្យមានប្រសិទ្ធភាព
កិច្ចប្រជុំMCATs អញ្ជេីញចូលរួមពី លោកស្រី ងួន សុភាព ប្រធានគណ:ឆ្មបជាតិ លោកស្រី អនុប្រធាន ហេរញ្ញឹកគណ:ឆ្មបជាតិ មន្ត្រីផ្នែកគាំពារមាតា និងទារកខេត្ត ប្រធានផ្នែកគាំពារមាតា និងទារកស្រុក ព្រមទាំងលោកស្រីវេជ្ជបណ្ឌិត នាយអគាររង និងឆ្មបមកពីមន្ទីរពេទ្យបង្អែកខេត្ត ស្រុក និងមណ្ឌលសុខភាពទាំង៣០នៅក្នុងស្រុកប្រតិបត្តិសៀមរាប និងអង្គការRACHA ។