ការចុះអភិបាល កិច្ចប្រជុំក្រុមសម្របសម្រួលសម្ព័ន្ធឆ្មប Midwifery Coordinator Alliance Team (MCAT) ក្រោមប្រធានបទ ស្តីពី"ការគ្រប់គ្រងការធ្លាក់ឈាមក្រោយសម្រាល" នៅមន្ទីរសុខាភិបាល នៃរដ្ឋបាលរាជធានីភ្នំពេញ
ការចុះអភិបាល កិច្ចប្រជុំក្រុមសម្របសម្រួលសម្ព័ន្ធឆ្មប Midwifery Coordinator Alliance Team (MCAT) ក្រោមប្រធានបទ ស្តីពី"ការគ្រប់គ្រងការធ្លាក់ឈាមក្រោយសម្រាល" នៅមន្ទីរសុខាភិបាល នៃរដ្ឋបាលរាជធានីភ្នំពេញ
============================================================
ថ្ងៃពុធ ៥កើត ទី១៦ ខែកញ្ញា ឆ្នាំ២០២៦ លោកស្រី ងួន សុភាព ប្រធានគណៈឆ្មបជាតិ បានឆ្លៀតឱកាសចូលរួមកិច្ចប្រជុំក្រុមសម្របសម្រួលសម្ព័ន្ធឆ្មប ក្រោមប្រធានបទ ស្តីពី"ការគ្រប់គ្រងការធ្លាក់ឈាមក្រោយសម្រាល" នៅមន្ទីរសុខាភិបាល នៃរដ្ឋបាលរាជធានីភ្នំពេញ រៀបចំដោយផ្នែកគាំពារមាតា និងទារករាជធានីភ្នំពេញ។
គោលបំណងចូលរួម៖
១. ពិនិត្យការរៀបចំកិច្ចប្រជុំ MCAT
២. ស្វែងយល់វិធីសាស្ត្រក្នុងការសម្របសម្រួល និងដោះស្រាយបញ្ហាប្រឈមដែលបានជួបប្រទះ
៣. វាយតម្លៃគ្រូបណ្តុះបណ្តាលជំនាញបច្ចេកទេសក្នុងការគ្រប់គ្រងការធ្លាក់ឈាមក្រោយសម្រាល
៤. វាយតម្លៃអ្នកចូលរួម ឆ្មបបម្រើការនៅមណ្ឌលសុខភាព CPA1 &CPA3។
បន្ថែមពីនេះ លោកស្រីប្រធានបានផ្តល់អនុសាសន៍
១. ស្វែងរកកត្តាធ្វើឱ្យស្បូនទន់(TONE) ដែលលើសពីឯកសារធ្លាប់មាន តែជាការរកឃើញ និងបទពិសោធន៍ដែលបានជួបប្រទះ យកមកចែករំលែករួមគ្នាក្នុងកិច្ចប្រជុំ
២. អនុវត្តជំនាញសង្កត់សរសៃឈាម អាទែ អាអក ឱ្យកាន់តែមានប្រសិទ្ធភាពខ្ពស់បំផុត
៣. ពិនិត្យ និងរៀនអនុវត្តការសង្កត់សរសៃឈាមអាទែ អាអក នៅនឹងគ្រែសម្រាលដែលអនុវត្តការងារប្រចាំថ្ងៃរៀងៗខ្លួន (ទីតាំងអនុវត្តមិនងាយស្រួលដូចទីតាំងបណ្តុះបណ្តាល)
៤. ហាត់អនុវត្តជាមួយក្រុមការងារ ទាំងជំហរ និងលំនឹងក្នុងការសង្កត់ ទាំងរយៈពេលយ៉ាងតិចឱ្យបាន២០នាទី
ដៃឆ្មបទាំងគូ គឺជាដៃដែលទ្រជីវិត២ក្នុងពេលតែមួយ
ទ្រជីវិតថ្មី ដាក់លើទ្រូងម្តាយដ៏កក់ក្តៅ
សូមយើងទាំងអស់គ្នា រួមគ្នាអនុវត្តបេសកកម្មដ៏ថ្លៃថ្លានេះ ប្រកបដោយក្រមសីលធម៌វិជ្ជាជីវៈខ្ពស់បំផុត។